2026ko urriaren 1a

“MENDIZ MENDI” taldea lider jarri da “3 HIRIBURUAK LABORAL KUTXA” ligan Gasteizko probaren ondoren

Lehenengo proban bizitako giro ederraren ondoren, bazegoen taldekako emakumezkoen BTT liga berriro martxan jartzeko gogoa. Gasteizko lasterketarako, Armentiako basoa izan zen aukeratutako agertokia, oso ezaguna biker giroan iraganean ospatutako beste proba batzuen jokaleku izan zelako. Oraingo honetan, Arabako Txirrindularitza Federazioak zirkuitu azkar eta zirraragarria diseinatu zuen; abiadura handiak hartzen ziren, eta arreta handiz ibili behar zen bihurguneetan, lurra oso lehor zegoelako.

Gasteizko probaren irteera, Armentiako basoan.

Lehen probako zalantzak argituta eta erreleboen teknika zein taktika finduagoarekin, 14 talde hurbildu ziren Arabako hiriburura, elkarren aurka lehiatu eta hiru orduz bizikleta gainean zirraraz gozatzeko. OTXE BH taldea lider hasi zen baina laster ikusi zen MENDIZ MENDI II taldearekin lehia estuan jarraituko zuela lasterketa irabazteko. Azkenean MENDIZ MENDI II taldea izan zen irabazlea oso parekatua izan lasterketa batean. Bizkaitarrek eraman zuten lasterketa eta lidergoa; hala ere, OTXE BHk, lortutako bigarren postuari esker, txapelketa irabazteko aukera berdinekin bidaiatuko du Bilboko azken probara.

Azken probara oso parekatuta iritsiko den beste postu bat hirugarrena izango da. Donostian ETORKI KUSKUMENDI igo bazen podiumeko hirugarren koxkara, Gasteizen JRG NESKAK taldearekin trukatu zuen postua. Gipuzkoarrek 20 segundoko aldea atera zieten arabarrei, bi taldeek lasterketak iraun zituen 3 orduetan 29 itzuli osatu ondoren.

«3 HIRIBURUAK» ligako hirugarren eta azken proba urriaren 12an, astelehena, jokatuko da Bilbon. Artxandako Avril mendiko zirkuitua ligaren formatura egokituko da, eta zelai irekiak eta nazioarteko cross country probako bidexka enblematikoenetako batzuk uztartuko ditu. Agertoki paregabea izango da ligako lehen edizio lehiatu hau nork irabaziko duen argitzeko.

Probako sailkapena

1. 1. MENDIZ MENDI II3:02:10 · 30 itzuli
2. 2. OTXE BH3:05:41 · 30 itzuli
3. 3. JRG NESKAK3:00:10 · 29 itzuli
4. 4. ETORKI – KUSKUMENDI3:00:31 · 29 itzuli
5. 5. OTXE INFANTILAK3:00:01 · 28 itzuli
6. 6. OCCIDENT MIRIBILLA – B3:01:42 · 28 itzuli
7. 7. NORCLAMP TEAM3:03:17 · 28 itzuli
8. 8. OCCIDENT MIRIBILLA – A3:03:51 · 28 itzuli
9. 9. RPK UDAPA A3:04:31 · 27 itzuli
10. 10. RPK UDAPA B3:03:33 · 27 itzuli
11. 11. OCCIDENT MIRIBILLA – C3:04:25 · 27 itzuli
12. 12. SCE FUSION XCO TEAM3:00:12 · 26 itzuli
13. 13. MENDIZ MENDI TALDEA I3:03:27 · 26 itzuli
14. 14. MAC3:07:16 · 24 itzuli

2026ko irailaren 21a · Gaztelaniaz — euskarazko itzulpena laster

El OTXE BH ganó en Donostia la primera prueba de la liga “3 HIRIBURUAK LABORAL KUTXA” de BTT

El monte Ulía de San Sebastián fue ayer domingo el mejor enclave para estrenar la nueva liga femenina de BTT por equipos propuesta por las concejalías de deportes de las tres capitales vascas y del Gobierno Vasco. Con el fomento del deporte femenino y de la hermandad entre capitales y territorios como objetivos, se puso en marcha un torneo en el que se han implicado con mucha ilusión una gran cantidad de equipos.

Salida y zona de relevos de la primera prueba de la 3 Hiriburuak Laboral Kutxa de BTT, en el monte Ulia de Donostia / San Sebastián.

Los nervios propios de un campeonato que estrenaba formato y funcionamiento se disiparon rápidamente. El circuito estaba en condiciones óptimas y los equipos se adaptaron rápidamente a la propuesta competitiva que les han hecho las federaciones vascas. Todas las corredoras querían hacer el mejor relevo posible para su equipo y la concentración y la emoción en la zona de relevos fue muy alta durante las 3 horas que duró la competición.

Las bizkainas del MENDIZ MENDI II salieron a por todas desde el principio de carrera y consiguieron hacer un hueco importante en la primera hora. Pero quedaba todavía mucha jornada y poco a poco pagaron su valentía inicial para ir cediendo terreno hasta verse superadas por el OTXE BH. Las gipuzkoanas, con un equipo más veterano, supieron mantener la calma para llegar poco a poco a la cabeza, y ya en la última hora consiguieron mantener el liderato para acabar ganando la prueba y llevarse el primer maillot de líder del nuevo torneo.

La carrera fue emocionante por los constantes cambios en las posiciones de la clasificación, pero lo fue especialmente en la pelea por el tercer puesto. Las alavesas del ETORKI KUSKUMENDI mantuvieron una dura pelea con las locales del JRG NESKAK que no se decidió hasta la última vuelta. El equipo de Amurrio acabó llevándose el tercer puesto de un pódium con representación de los tres territorios.

La 3 HIRIBURUAK LABORAL KUTXA continúa la semana que viene en Vitoria en otro lugar con mucha tradición en el deporte al aire libre, el Bosque de Armentia. Las corredoras se encontrarán con un circuito rápido y repleto de senderos divertidos cuidadosamente preparado por la Federación Alavesa de Ciclismo.

2026ko irailaren 9a

Donostia prest da 3 Hiriburuak Laboral Kutxa MTB txapelketari hasiera emateko

Datorren irailaren 20an, igandea, Donostiako Ulia mendiak hartuko du 3 Hiriburuak Laboral Kutxa MTB txapelketaren lehen proba, Euskal Herriko hiru hiriburuak zeharkatuko dituen mendiko bizikletako emakumezkoen liga berria.

3 Hiriburuak Laboral Kutxa MTB txapelketaren aurkezpena, Donostian.

Emakumezkoen pilotako 3 Hiriburuak txapelketa arrakastatsuan inspiratuta, Eusko Jaurlaritzaren bultzadarekin eta Euskal Herriko hiru hiriburuen babesarekin sortu da 3 Hiriburuak Laboral Kutxa MTB.

Donostiako Udaleko Kiroletako eta Bizitza Osasungarriko zinegotzi Iñaki Gabarainek aurkezpeneko prentsaurrekoan nabarmendu duenez:

«Ekimen hau beste adibide argi bat da Donostiak emakumeen kirolaren alde duen konpromisoarena. Izan ere, gure hiria erreferente nagusia da emakumeen kirolaren sustapenean. Oraingoan ere, Euskal Autonomia Erkidegoko hiru hiriburuen arteko lankidetzaren aldeko apustua egiten dugu, emakumeen pilotarekin eta 3 Hiriburuak pilota txapelketarekin egin dugun bezala. Aliantza hori indartzen eta proiektu berriekin jarraitzea espero dugu».

Txapelketaren estreinaldia gero eta gertuago dago, eta azken asteetan sartu da. Estatuko hainbat autonomia-erkidegotatik etorritako 15 taldek eman dute izena dagoeneko. Parte-hartzea %100ean diruz lagunduta dago, erakunde sustatzaileen eta Laboral Kutxaren babesari esker, eta izena emateko epea datorren irailaren 14ra arte egongo da zabalik.

Donostiako hitzordua, estrategia eta talde-lana uztartzen dituen lehiaketaren lehen atala izango da. Parte-hartzaileek 3 edo 4 txirrindulariz osatutako taldeetan lehiatuko dira, eta txandaka arituko dira hiru orduan ahalik eta itzuli gehien osatzeko.

Donostian prestatutako zirkuitua Ulia mendian egingo da, eta gutxi gorabehera 3 kilometroko luzera izango du. Mendiko bizikletaren esentziari eutsiko dio, eta maila desberdinetako parte-hartzaileentzat eskuragarria izango den kirol-erronka eskainiko du. Hain zuzen ere, 3 Hiriburuak Laboral Kutxa MTBren erakargarritasunetako bat da esperientzia- eta sasoi-maila desberdinak dituzten txirrindulariak talde berean elkartzeko aukera ematen duela.

Estrategiak, beraz, funtsezko zeregina izango du: talde bakoitzak erabaki beharko du nor sartzen den lasterketan eta noiz egiten den txanda bakoitza, erritmoari eutsi eta ahalik eta itzuli gehien pilatzeko helburuarekin. Emaitza baliozkoa izan dadin, talde bakoitzeko gutxienez hiru kidek itzuli bat osatu beharko dute.

Ildo horretan, Vitoria-Gasteizko Udaleko Kirol zinegotzi Ana López de Uraldek azpimarratu du mota honetako lehiaketak abian jartzearen garrantzia:

«Emakumeen kirola sustatzeko, ez da nahikoa neskak eta gazteak kirola egitera animatzea. Lehiatzeko espazioak, erreferenteak, ikusgarritasuna eta aukerak ere eskaini behar dizkiegu. Gaur bizikleta gainera lehen aldiz igotzen den neska batek bihar kirolari gisa lehiatzen, gozatzen eta hazten imajinatu ahal izatea behar dugu».

Donostiako probak, horrela, liga bati emango dio hasiera. Irailaren 27an jarraituko du Gasteizen, Armentiako Basoan, eta urriaren 12an amaituko da Bilbon, Avril-Artxanda mendiaren inguruan.

Irailaren 27an Vitoria-Gasteizen egingo den probari dagokionez, Ana López de Uraldek Armentiako basoaren berezitasuna azpimarratu du:

«Gure hiriko altxor natural handietako bat da. Edertasun handiko gune pribilegiatua da, Eraztun Berdearen parte dena, eta Vitoria-Gasteizek naturarekin duen harreman berezi hori ezin hobeto ulertzeko aukera ematen diguna. Armentiak ingurune ezin hobea eskaintzen du BTTa praktikatzeko: bideak, desnibelak, basoa eta ibilbide desberdinak, bizikletaz naturarekin harreman zuzenean gozatzeko aukera ematen dutenak. Baina, batez ere, kirola eta gure ingurunearekiko errespetua elkarrekin joan daitezkeela eta joan behar dutela erakusteko aukera eskaintzen digu».

Bilbok, bestalde, urriaren 12ko hitzordua baliatu nahi du emakumeen kirola eta hiriko kirol estrategikoak zabaltzeko, txirrindularitzaren kasuan bezala, «Bilboko eta Euskadiko kirol-nortasunaren eta -tradizioaren definizioan balio handia dutelako», gehitu du Itxaso Errotetak, Bilboko Udaleko Gazteria eta Kirol saileko zinegotziak.

3 Hiriburuak Laboral Kutxa MTB emakumeek mendiko txirrindularitzan parte hartzea sustatzeko eta formatu desberdin bat eskaintzeko helburuarekin sortu da, lizentzia federatua duten zein federatu gabe dauden txirrindulariei irekita. Donostia izango da lehen geltokia. Ulia, lehen agertokia. Hiru ordu, hiru edo lau taldekide eta helburu bakarra: ahalik eta itzuli gehien ematea.

Euskal Herriko hiru hiriburuen liga hastear da.

2026ko uztailaren 27a · Gaztelaniaz — euskarazko itzulpena laster

“3 HIRIBURUAK LABORAL KUTXA” BTT txapelketa jaio da, Euskal Herriko hiriburuen mountain bike liga

Hiru Hiriburuek antolatutako emakumezkoen pilota-txapelketaren arrakasta eredutzat hartuta, emakumeentzako txirrindularitzako txapelketa berri bat sortu da. Donostian, Gasteizen eta Bilbon probak egingo dira, eta hiru edo lau txirrindulariz osatutako taldekako liga-formatua izango du. Taldekideek txandaka parte hartuko dute, 3 ordutan ahalik eta itzuli gehien emateko txirrindularitza-federazioek prestatutako formatu olinpikoko BTT zirkuituei.

3 HIRIBURUAK LABORAL KUTXA liga, Donostian hasiko da Irailaren 20an, hiru euskal hiriburuak zeharkatuko dituen ligako lehen hitzordua. Lehiaketak astebete geroago jarraituko du Gasteizen, eta urriaren 12an amaituko da, Bilbon, maila tekniko ertainera zirkuitu batean, besteak bezala, mendiko txirrindularitzaren funtsa galdu gabe.

Kadete mailatik gorako emakume federatuekin zein federatu gabeekin osatutako taldeek parte hartu ahal izango dute. Lehiaketa-formatuari esker, hainbat mailatako kideak batera bizi ahal izango dira talde berean, eta estrategia alderdi teknikoa eta fisikoa bezain garrantzitsua izango da. Taldeentzako izen-ematea zabalik dago 3HIRIBURUAK.eus webgunean irailaren 14ra arte, eta doakoa izango da, udalen, Eusko Jaurlaritzaren eta LABORAL KUTXAren laguntzari esker.